駿景餐室

營業中

休息中

鐘意食常餐既我，平時lunch time 都會去下唔同茶餐廳試下，今次上OpenRice 見到有間小店，又見到有蕃茄湯既常餐，所以就入左去試。蕃茄湯豬軟骨湯通粉+ 凍奶茶首先係個多士加煎雙蛋黎左先，個多士好脆好正，而煎雙蛋我多數都會放埋入個通粉入面一齊食。蕃茄湯豬軟骨湯通粉方面，佢既豬軟骨唔係我地平時睇到個啲，似係豬骨，而個湯底我認為係幾出色，香濃夠味，唔係hea 湯底。至於奶茶方面，佢地應該係用左黑白淡奶，我好欣賞，奶同茶既比例好好，唔會好鞋。環境方面，都幾好同夠晒空間，啲員工見我地食完都無吹我地走，總體體驗好好。