第一腸粉專賣店 (已結業)

以前住左係附近咁耐都冇時間入去食．竟然今朝早去開太子做野有時間一嚐依間米芝蓮一星既腸粉店。鋪入面得十幾個位招呼亦冇咩水亦冇杯，朝早十點幾黎食都好彩未洗等位住；但客人都唔少‧叫左個薑汁豬潤腸$19，即叫即做大定要耐心等候一下。大概等左８分鐘新鮮既拉腸粉到拿，ｕｍ．．味道唔錯，粉皮唔厚不過亦都唔滑。再黎叫多個蒸蘿蔔糕$14，蘿蔔糕就唔洗等；冇咩配料（好似有蝦米）清清地咬落去粒粒蘿白好好食。實話實說如果論米芝蓮一星，好食但就唔係非常出色 。勝在唔洗等位都唔錯既～