喜亭軒 (已結業)

]今朝兩公婆又出動去飲早茶,去咗亞皆老街,砵蘭街口的喜亭軒,本來諗住食放題,坐低望吓個餐牌,嘩,點可能咁平,所以就唔食放題,費事食得太飽,成日頂住。今日叫了兩個孖寶,再加個超特價嘅盅頭飯,再加兩隻灌湯餃,夠哂。呢個豬仔奶皇飽,涵少,唔得。黑椒爽肚好味,下次可以encore.兩個盅頭飯,size 細細,味道都OK。呢個灌湯餃,成個灌湯飽咁,味道都唔錯,$9.8仲想點。個鮑魚角唔記得影,係炸物,味道可以,鮑魚切咗細細粒。可能點心為適應放題,全部都細細件,今日食到飽飽都係120。