北海道牧場餐廳 (已結業)

週末下午黎到呢間餐廳，門口都有幾個人係到等位，好彩等左幾分鐘就有得入坐。呢到座位比較少，坐得比較窄，但咁岩坐到梳化卡位所以都幾舒服。打開餐牌，好多都係常餐同早餐，大部分食物都係加入左3.6牛乳，係呢到既一大特色黎既。今次嗌左個叉燒通粉加火腿蛋多士，通粉加入左3.6牛乳，但叉燒味道比較咸，唔係好食到牛奶香，多士隔左一陣先食都仲好脆好香，雖然係早餐，但成個餐份量都好夠飽。唯一少少失望既係用3.6牛乳做既甜品選擇比預期少，黎食正餐跟個甜品都okay,但專登黎食甜品就可能會令你失望啦。