敏華冰廳 (新達廣場)

營業中

休息中

今日去咗大埔新達廣場嘅敏華冰室食早餐。呢度係用QR code落單，埋單都係睇個QR code。炒滑蛋，歐式軟多士炒滑蛋蛋味都幾香同埋都幾滑嘅，多士外脆內軟，加埋牛油嘅香味，好好食，其他茶餐廳好少食到呢款軟多士👍潮式沙茶牛肉公仔麵香港大部分嘅茶餐廳早餐都係沙嗲牛肉多，但呢度係主打潮式沙茶牛肉，沙茶味道唔錯，湯底都OK濃；牛肉食落有少少咬口，但又唔韌喎；至於公仔麵食落好爽口，麵質唔軟唔硬，完全係我鍾意嘅口感，整碗麵都好食😋。凍奶茶凍奶茶奶味都幾重幾滑，鍾意飲開多奶就啱晒啦。整體唔錯呀，絕對值得再嚟支持。