影片
更多
2021-04-28
67 瀏覽
放假起身打算先嘆番個豐富既早餐，之後再同朋友去南豐紗廠打卡影靚相。行經荃灣工廠區個邊，發現了一間小小的西餐廳，見佢地舖頭裝修雅緻又剛好唔使排隊，我同朋友就直接入左去試試。✨牛油·炒滑蛋·果醬配牛角包早餐賣相唔錯，炒蛋滑溜唔鞋口，牛角包亦都焗得夠香脆。牛油同果醬特別用左靚靚既碟仔去盛載，非常有心思。跟餐點左一杯蜜桃茶味，茶味清香帶少少桃既果香味，幾好飲。✨雞扒流心蛋酵母麵包呢份既賣相都一樣咁精緻，切開流心蛋便流出金黃色的蛋漿，剛煎好的雞扒很香口，調味岩岩好，夾埋麵包一齊食口感同埋味道更佳！✨焦糖布甸咖啡咖啡面層的泡沫經過微微烤焗，味道甜甜地令咖啡更易入口，好岩我呢啲怕咖啡太苦既人的口味。特別一提餐廳店員態度好有善，會主動介紹餐牌的食物，也會關顧客人的口味。餐廳早餐價錢同份量合理，加上有禮的店員，是會令人想回頭幫襯！
行經荃灣工廠區個邊，發現了一間小小的西餐廳，見佢地舖頭裝修雅緻又剛好唔使排隊，我同朋友就直接入左去試試。
✨牛油·炒滑蛋·果醬配牛角包
早餐賣相唔錯，炒蛋滑溜唔鞋口，牛角包亦都焗得夠香脆。牛油同果醬特別用左靚靚既碟仔去盛載，非常有心思。跟餐點左一杯蜜桃茶味，茶味清香帶少少桃既果香味，幾好飲。
✨雞扒流心蛋酵母麵包
呢份既賣相都一樣咁精緻，切開流心蛋便流出金黃色的蛋漿，剛煎好的雞扒很香口，調味岩岩好，夾埋麵包一齊食口感同埋味道更佳！
✨焦糖布甸咖啡
咖啡面層的泡沫經過微微烤焗，味道甜甜地令咖啡更易入口，好岩我呢啲怕咖啡太苦既人的口味。
特別一提餐廳店員態度好有善，會主動介紹餐牌的食物，也會關顧客人的口味。餐廳早餐價錢同份量合理，加上有禮的店員，是會令人想回頭幫襯！
張貼
