大家樂 (廣田商場)

營業中

休息中

今日八點都未夠就要返舊居幫屋企人有嘢整，整之前當然要外賣個靚早餐返去食先有氣有力！！附近冇乜選擇，唯有大家樂都照殺！揀咗個皮蛋瘦肉粥配混帳腸粉，仲用三蚊加左杯奶茶，總共盛惠31元。先講個腸粉，會跟〈李x記〉包裝甜醬，麻醬及豉油各一包。估佢唔到個腸粉熱辣辣，幾軟滑之餘又不會糊掉，加埋d醬一齊食又真系幾好味！皮蛋瘦肉粥，粥底就還可以啦，未致到棉滑但起碼都唔系打成米漿再溝水。皮蛋就冇乜味，肉亦都有d柴口，雖然未知都話好好食，但都仲系尚可接受範圍內。奶茶一般啦，有茶味但唔算太滑，早知就3蚊都慳返。