MX (綠楊坊) (已結業)

MX早食飯價，話今次係最後機會，所以日子長啲做到12/7，肉醬煎蛋飯廿九蚊。好多人都話今次唔抵，確實依個飯之前晚市都係三十幾，平得幾蚊，上次佢問飲咩照落以為有餐飲，原來收咗三蚊，都合理，但不久前早、午，下午茶唔係仲有跟餐飲？仲以為係普通晚餐先無。依個飯係童年回憶，以前學校午餐第一次試就愛上，仲都配特別餸，而且佢有薯仔片，更好食，相較肉醬意粉每次單一大大份更精彩，有人當年都是陽光嗎？返翻嚟，份量唔多，唔夠飽，但由於近年有太多間肉醬酸度都過高，顯得佢嘅剛好難得，又無脂肪肉，又無肉碎球，又入味…近年到底我都食咗嘜嘢肉醬？滿滿壞回憶，可恨的餐廳們還我！煎蛋半熟，飯煮得唔差，滿意吧！其實主要為回憶而食（已跳過近幾年）。