時新漢堡飽 (已結業)

時新漢堡,名字一點也不陌生,從前在紅街舖時已很受歡迎,而家喺黃埔家居庭更加方便！注意間舖係向街嘅地舖，不在商場入邊。店舖裝修簡潔,人流快來快去,無論食物或環境都充斥著港式味道!呢度既漢堡同平時連鎖式快餐店食到既好唔同!叫咗個雙層芝士蛋漢堡同埋雙層火腿芝士漢堡，塊漢堡好厚啊!!!一啖咬落去,充滿牛肉同濃濃洋蔥香味,漢堡鬆軟，牛肉汁同洋蔥嘅甜味加埋芝士一啖送入口，超好味！真係搵返細個屋企樓下快餐廳漢堡既味道,果然無令人失望~~另外再叫個滷水雞脾煎蛋米同洋蔥圈！滷水雞脾好入味,唔係得個咸字,最鐘意食個雞鎚位,少少筋加埋軟骨,YUMMY~~時代進步太快,要搵番港式味道既店舖越黎越難,去返呢d小店可以搵返童年回憶!