花月居酒屋

營業中

休息中

唔知有幾多年無食過呢間屋酒屋，可能有三四年吧，時間真係過得好快。12:30嚟到都坐咗2／3, 都幾多人，午餐選擇好多好多，綠色menu 主要係炸物我麻麻，同事要咗個天婦羅配湯烏冬98蚊，我就睇另一個menu , 有26個選擇😅, 真心多，好彩我無選擇困難症，好快揀咗個燒雞扒70蚊。天婦羅先到，賣相都唔錯，壽司五件， 天婦羅同事話炸得一般，用料都相對經濟，唔係用日本南瓜。我個定食好快都有👍，雞扒都燒得幾靚，個面微脆嘅，不過就有少少雪味，個燒汁都麻麻，唔特別香。職員廣東話麻麻，睇唔出係邊個國家嘅人。埋單只收現金，有少少唔方便🙄。