Food Combo (已結業)

屯門而家嘅嘢食越來越多，今日嚟到呢間food combo見到唔係新開左好耐，而且門面唔算好大，但係勝在明亮，都可以吸引到我嘅注意，中午就黎呢度食啦。入到去坐低，地方乾淨明亮裝修簡潔富有時代感，舒服，最重要嘅係大熱天時，冷氣充足，服務員親切有禮，好詳盡介紹我哋佢哋鋪頭有啲咩特色嘅嘢食。我覺得佢哋最有特色嘅係佢哋嘅餐飲，係可以無限免費添加，而且有三款咁多，而我就梗係要揀生薑紅棗圓玉茶啦而且仲係熱嘅，女人唔補真係好易老㗎，鍾意凍飲嘅都仲可以有其餘兩款選擇，最重要嘅係咩啊？無限免費添加，淨係呢一點已經可以留住我個心啦。葡國雞飯，分量超多，雞扒嘅屁先至香脆，雞肉好厚身，而且好滑，依然保留左肉汁嘅香味，葡汁充滿椰汁味，裏面仲有一啲嘅薯仔同雜菜，份外富有特色。鮮茄大蝦意粉，足足有成五隻大蝦，晶瑩剔透爽口彈牙，意粉酸酸甜甜份外開胃，而且佢嘅意粉唔同一般餐廳嘅意粉，佢嘅意粉係新鮮煮起，而且十分之有咬口，唔會過淋，味道適中，真係不可不試。至於加唔加小食，任君選擇，我就加咗個粟米啦，份量適中，但係勝在夠晒香甜，而且十幾蚊，仲可以加多份水果添，令我呢一個午餐，夠晒豐富呀。