影片
更多
2019-01-15
136 瀏覽
放工必經紅磡站嘅我，前幾日心血來潮，忍唔住闖入黃埔，為咗食相隔多年無食嘅時新漢堡，此舉真係可以話係一時衝動，但事後自認非常值得。自畢業之後，到紅磡機會少之又少，直至紅磡鋪結業都無再食過。新鋪位於黃埔花園比較入嘅位置，所以都需要走一段時間先到達新鋪。由於走咗好一段路，到達時已經飢腸轆轆，所以都無考慮太多直接睇餐單柯打野食。可以見到今日餐單距離剛開張已經變咗好多，我都不假思索地柯打「照舊」，一個雙層漢堡芝士包加炸薯條，另外小試一下佢嘅羅宋湯。閒日夜晚鋪內唔算太多人，唔知係咪因為咁，所以出品感覺特別有心，明顯即叫即整。就評評漢堡包，包身有輕輕燙熱，所以入口除咗帶微熱之餘，口感外脆內鬆化；而漢堡則用新鮮牛肉手打而成，食得出內裡有洋蔥粒、胡椒等提味同增加口感，味道掌握得岩岩好，充滿牛肉味且肉汁豐富，漢堡真係相當出色。再配合埋店裡特製嘅神秘白汁，甜甜地帶水果沙律醬感覺，非常清新食得多都唔覺漏，同漢堡包真係超級搭配。而薯條雖然唔係啲乜野自家製品牌，但質素都非常不錯，因為夠哂熱辣辣，即叫即炸其實真係唔差得去邊，唯獨可能係價錢方面就比較貴少少。至於羅宋湯，個人覺得調味夠，湯唔會太稀，所以整體不過不失，試
新鋪位於黃埔花園比較入嘅位置，所以都需要走一段時間先到達新鋪。由於走咗好一段路，到達時已經飢腸轆轆，所以都無考慮太多直接睇餐單柯打野食。可以見到今日餐單距離剛開張已經變咗好多，我都不假思索地柯打「照舊」，一個雙層漢堡芝士包加炸薯條，另外小試一下佢嘅羅宋湯。
閒日夜晚鋪內唔算太多人，唔知係咪因為咁，所以出品感覺特別有心，明顯即叫即整。就評評漢堡包，包身有輕輕燙熱，所以入口除咗帶微熱之餘，口感外脆內鬆化；而漢堡則用新鮮牛肉手打而成，食得出內裡有洋蔥粒、胡椒等提味同增加口感，味道掌握得岩岩好，充滿牛肉味且肉汁豐富，漢堡真係相當出色。再配合埋店裡特製嘅神秘白汁，甜甜地帶水果沙律醬感覺，非常清新食得多都唔覺漏，同漢堡包真係超級搭配。
而薯條雖然唔係啲乜野自家製品牌，但質素都非常不錯，因為夠哂熱辣辣，即叫即炸其實真係唔差得去邊，唯獨可能係價錢方面就比較貴少少。至於羅宋湯，個人覺得調味夠，湯唔會太稀，所以整體不過不失，試下無妨嘅質素。
總結，相比起紅磡鋪時人少咗，店內位置大咗寬敞咗，其實都幾好。至於食物水準同之前都係一樣味道，無點樣退步。除咗價錢相對上偏高，都無可挑剔，但既然食物味道同水準穩定，呢個價錢都可以接受。好食嘅漢堡包真心難求，就算偏少貴，但好食依然都係值得推薦。
張貼
