影片
更多
2021-09-13
152 瀏覽
美味故事係旺角一間樓上良心Cafe，地點方便入口係一座舊式商業大廈，樓梯上一層就到。餐廳佔地全層地方非常闊落，檯同檯空間十足。裝飾地方都唔少角落仲有一個小型舞台擺滿樂器，唔知係唔係不定期會變身私人音樂聚會之地。.今日被安排坐係近窗邊既榻榻米區，張枱大到應該可以容納到六個人。餐廳地方大用QR code點餐唔使下下搵店員，夜晚去餐牌有套餐或者散叫，食物飲品甜品種類五花八門，淨係決定食乜都研究咗好耐。.晚市二人餐嘅食物選擇太多所以簡單點一個乜都有嘅二人餐。套餐包括：餐湯、蒜蓉包、沙律、小食、主菜、配菜、餐飲，套餐加錢仲可以叫埋甜品。真係一次過滿足晒所有願望。.二人套餐💲4381️⃣餐前西瓜冰一坐低餐前店員先奉上西瓜冰，細細杯冰解渴消暑。.2️⃣餐湯3️⃣蒜蓉包有南瓜湯同埋蘑菇湯兩種選擇，屬於迷你版，南瓜湯較好味蘑菇湯有少少清淡。蒜蓉包有烘熱香脆。.4️⃣沙律唔好以為沙律就係House Salad，餐廳提供左足五款唔同配料同醬汁嘅沙律選擇，十分之有誠意。我哋試咗日式蟹柳麻醬沙律同埋香橙柚子煙鴨胸沙律，兩款都唔錯。.5️⃣小食小食一樣好有誠意都有五款選擇， 試咗紫菜雞卷同埋煙三文魚他他多士。紫菜雞卷賣相唔算打卡ab
.
今日被安排坐係近窗邊既榻榻米區，張枱大到應該可以容納到六個人。餐廳地方大用QR code點餐唔使下下搵店員，夜晚去餐牌有套餐或者散叫，食物飲品甜品種類五花八門，淨係決定食乜都研究咗好耐。
.
晚市二人餐嘅食物選擇太多所以簡單點一個乜都有嘅二人餐。套餐包括：餐湯、蒜蓉包、沙律、小食、主菜、配菜、餐飲，套餐加錢仲可以叫埋甜品。真係一次過滿足晒所有願望。
.
二人套餐💲438
1️⃣餐前西瓜冰
一坐低餐前店員先奉上西瓜冰，細細杯冰解渴消暑。
.
2️⃣餐湯
3️⃣蒜蓉包
有南瓜湯同埋蘑菇湯兩種選擇，屬於迷你版，南瓜湯較好味蘑菇湯有少少清淡。蒜蓉包有烘熱香脆。
.
4️⃣沙律
唔好以為沙律就係House Salad，餐廳提供左足五款唔同配料同醬汁嘅沙律選擇，十分之有誠意。我哋試咗日式蟹柳麻醬沙律同埋香橙柚子煙鴨胸沙律，兩款都唔錯。
.
5️⃣小食
小食一樣好有誠意都有五款選擇， 試咗紫菜雞卷同埋煙三文魚他他多士。紫菜雞卷賣相唔算打卡able但食落唔錯，紫菜夾雞肉中間仲有蟹柳，屬於正評項目。三文魚他他多士就係我成晚最鍾意嘅部份，感覺有啲似細個好鍾意食嘅罐裝吞拿魚沙律多士。
.
6️⃣主菜
主菜又係有非常多嘅選擇，七揀二之下揀咗西京燒三文魚扒同埋邪惡牛油果醬鵝肝漢堡。其實好想試吓佢哋慢煮牛扒，不過最近食咗太多扒要轉吓新野。三文魚扒超大塊，皮煎得香脆醬汁入味。而鵝肝漢堡，當然呢個價錢唔會期望有大大塊鵝肝，但成件事好邪惡鵝肝淺嘗已經剛好。漢堡扒非常厚，配埋芝士牛油果醬蕃茄同菜呢類漢堡包穩膽項目，漢堡包有煎香唔馬虎，好難唔好食。
.
7️⃣配菜
配菜四揀一。又係估佢唔到，竟然連肉醬意粉都有。叫咗肉醬意粉同埋薯菜，還好佢嘅薯菜真係薯仔唔係薯條，如果唔係一定搞唔掂。我見仲有幾特別既墨魚汁冷麵，但係呢份餐已經太多嘢怕食唔晒冇叫。
.
8️⃣餐飲
除咗港式嘅咖啡奶茶之外，呢度嘅餐飲仲有橙味水果茶，甜度同冰度有得自選仲要唔使補錢👍🏻。
.
本來有考慮過試埋甜品，但係呢份餐實在太豐富已經食到飽晒，有機會先可以再試。
.
總結：值得一題喺呢度服務員嘅態度非常好，關心左我哋幾次食物質素滿唔滿意。餐廳地方闊落，感覺休閒，餐單選擇多各適其適，食物出品有誠意，係一間幾適合朋友聚會嘅餐廳。
張貼
