野玩海店 (已結業)

前晚去左始創呢間餐廳食飯(係佢既同事介紹，話啲野食唔錯)。可能係閒日晚餐時間都唔使等位。睇個樣應該係出名食海鮮(menu好多有龍蝦既配搭)首先叫左兩個前菜小食，有呑拿魚他他配火箭菜同buffalo wings。呢個呑拿魚他他幾好食，個texture, 啲汁同火箭菜同個魚係夾得到，好fresh既感覺！水牛城雞翼就略嫌汁唔夠濃唔算太入味，可以唔試。叫左個三文魚茄汁意粉。呢個我都覺得𣎴過𣎴失，但意粉就略為淋左少少。但個汁係幾好味。仲有叫左個豬手。分量大，熱辣辣，個皮脆卜卜，有得揀汁(黑椒、蒜蓉、、) 汁可以另外上。仲有薯蓉襯係下面(但覺得薯蓉偏淡，可能要配番個汁會夾啲)。唔錯既，可以再encore !P.s. 食到咁上下有音樂人唱歌都幾大聲，一班人圍威喂都可以接受，如果會有情調或者要傾野可以會講得有啲嘈。