熱點點心專門店

營業中

休息中

今日做完運動經過太子，見到間又平又抵食嘅點心。好肚餓嘅我同朋友就入咗去食。呢度點心種類好多，亦都好多有得意嘅造型。先嚟咗兩隻蝦餃。呢度有樣嘢好，就係蝦餃可以兩件咁上，有時一款點心上太多，真係食唔到多幾款。之後上咗個北菇棉花雞。好香嘅冬菇味，啲魚肚索晒啲雞嘅味道，非常好食。呢個鹹水角個樣好得意，入面係啲豬肉粒嚟嘅，鹹香得來又香口。我覺得最好食係呢個春風得意腸，入面係脆嘅。我哋仲叫咗灌湯餃，粒餃子好大粒。最尾叫個甜品就係楊枝甘露糕，唔太甜。