火車頭越南餐室 (朗豪坊)

營業中

休息中

行開朗豪坊食野醫肚，依間越南餐廳算係平靚正，越南檬粉味道清新又健康，價錢經濟美味，環境乾淨，行街食飯或獨獨食的好選擇。沙嗲雞肉串 $65串燒啖啖肉，肉質淋唔會燒到好乾，配沙嗲醬香口惹味好食。燒豬頸肉撈檬 $79燒豬頸肉多塊，爽脆得來有嚼口。而檬粉口感細緻，香軟彈牙，份量就一般啦，配埋甘筍絲、青瓜絲、生菜絲健康美味，淋上碌冧甜酸開胃好食。牛油果軟殼蟹米紙卷 $73米紙薄而煙韌，包得扎實，有生菜、牛油果、軟殼蟹，口感豐富，沾上BBQ醬汁香味濃厚，味道層次更豐富。炒金不換海鮮 $138海鮮配料豐富有大蜆、青口、大蝦、魚腐、洋葱和西蘭花，以辣椒膏加金不換炮製，紅紅的醬汁香辣美味令人垂涎欲滴。