肚餓了串燒烤焗專門店 (已結業)

今晚繼續光顧良心小店，尖沙咀有間好旺既串燒店，仲有手工啤酒🍻，岩哂年輕一代收工去輕鬆一下！果然，上到去真係好旺場🧞‍♂️坐低叫支男士首選好朋友先，淨係個啤酒樽都贏晒，一定要打個卡先🧞‍♂️東革阿里味道帶苦澀，有啲似人蔘，飲開重麥味既朋友可以試吓🧛‍♂️可能多人幫襯，串燒要等耐啲，款式就好多種可選擇：海鮮/雞/牛/羊/豬/蔬菜🧚‍♂️芝士蟹籽玉子燒有滿滿的芝士，岩哂芝士控，燒起好香。鹽燒牛切牛舌有五大件，一定要叫。好重牛味，咁大件都唔會話燒到老哂🧚‍♂️除左鹽仲食到少少咖喱味，有驚喜微辣肉碎原條燒茄子🍆 好juicy，加埋肉碎令燒茄子多個層次，不過我覺得可以再辣啲🧛‍♂️自家製惹味燒雞肉串，每枱都叫，我哋當然又試下🧞‍♂️雞肉好滑溜，燒完既表面保留左啲雞油，好香！食完原味，可以自己再落啲孜然粉仲正汁燒原隻魷魚，呢個等得最耐，但食到炭火烤既味道，好用心。魷魚鬚好爽，最岩送手工啤🧞‍♂️