極尚大喜屋

營業中

休息中

約咗好耐冇見嘅朋友就黎到位於旺角雅蘭中心極尚大喜屋大吃一餐，餐廳呢度有好多美食選擇，有前菜、小食、飲品、刺身、壽司、炸物、鍋物、仲有最鐘意食既燒榴槤，加加埋埋都有百款。食放題一定必點刺身，刺身樣樣都好新鮮三文魚、帶子和螺肉好吸引，好鮮甜爽口又肥美。羊架火候控制得好好，煙煙韌韌好入味。金湯慢煮鮑魚花膠，材料十足可以養顏又補身，花膠好淋好入味，鮑魚爽脆，醬汁亦都好鮮甜，超美味。上湯翡翠百合螺片，炒得好有鑊氣，螺肉切得好薄好鮮甜爽口，味道好夾。川味燒鮮蠔，粒粒脹卜卜，加入大量蒜蓉好香口。仲有好多美食都好好食好吸引。最後食埋個極品金枕頭榴槤燒，好甜好濃郁榴槤味道，食唔停口。