劉興記生煎包專門店

營業中

休息中

旺角哩間鋪頭常年都要排長龍，基本都係附近街坊幫襯。豆漿，係自家製作，比便利店豆漿要濃郁好多，同埋落咗少少糖，飲落唔會好甜。蟹皇生煎包，生煎包即叫即制，送上來全部都熱笠笠。哩間鋪頭生煎包整得好出色，皮薄又脆，唔會覺得好油。內裡肉鮮蟹皇多，汁水都流曬出來，真係超好味。秘制上海炸排骨，估唔到分量都幾大。排骨預先醃制過，再落油炸，唔洗點醬已經好夠味。同韓式炸雞唔同，排骨唔會特別酥脆，面衣相對會厚身同埋緊實，好正嘅上海做法。雞絲酸辣湯，配料好豐富，有雞絲，豆腐，筍絲等，酸辣湯濃郁，每一啖配料都掛滿湯汁，相當惹味。百步香蔥油餅，落咗大量小蔥同豬油製作，餅皮起酥做得好好，食落好酥脆，內裡餡料豐富，超好味。