影片
更多
2021-12-05
93 瀏覽
💎總評分：8.0/10-某日揸車經過見到個名好得意，第二日就嚟左試，有無人可以話俾小編知個名想表達咩😆？地面入口有個燈牌，直上樓梯就到舖面，比想像中寬敞，座位之間十空間感充足，坐得舒服，青色沙發加牆上嘅花草裝飾🌱，完全呼應到佢叫小草。Menu超多選擇，除左主打嘅米線、仲有港式串燒、麻辣小菜、小食、烤魚🐟等，滿足到想食唔同野嘅朋友。🚗 附近兜兜下其實都會見到有D咪錶同有蓋/露天停車場，但呢日時間倘早見奶路臣街嗰邊竟然有位，一泊就俾人抄左。1️⃣ 石鍋薯粉$48傳統嘅石鍋米線係用石鍋裝住熱湯俾客人自行落食材，利用湯嘅熱力將食材煮熟♨️。因為同樣嘅野小編之前都介紹過，呢日又想轉下口味就叫左薯粉。價錢包3餸😚，亦可以加錢㨂多D，但小編就要左紅燒牛肚、五香辣豬軟骨、香辣蕃茄牛肋條，配酸菜魚湯底😈。同樣係用石鍋上，嚟到熱辣辣已經聞到好香🤤，牛肚同牛肋條煮得好淋夠晒入味，唔韌亦無渣，豬軟骨調味都足但偏脆身可以煮淋淋D，湯底方面完全係酸菜魚味😋，酸同鹹味拿捏得剛好，除左無魚之外，個味道同專食酸菜魚嘅餐廳有得揮，值得推介👍🏻。2️⃣ 土魷馬蹄香菇肉餅荷葉飯 $48一打開正方形嘅蒸籠就有一鼓飯香味湧出嚟🍚，超多煙熱
-
某日揸車經過見到個名好得意，第二日就嚟左試，有無人可以話俾小編知個名想表達咩😆？地面入口有個燈牌，直上樓梯就到舖面，比想像中寬敞，座位之間十空間感充足，坐得舒服，青色沙發加牆上嘅花草裝飾🌱，完全呼應到佢叫小草。Menu超多選擇，除左主打嘅米線、仲有港式串燒、麻辣小菜、小食、烤魚🐟等，滿足到想食唔同野嘅朋友。
🚗 附近兜兜下其實都會見到有D咪錶同有蓋/露天停車場，但呢日時間倘早見奶路臣街嗰邊竟然有位，一泊就俾人抄左。
1️⃣ 石鍋薯粉$48
傳統嘅石鍋米線係用石鍋裝住熱湯俾客人自行落食材，利用湯嘅熱力將食材煮熟♨️。因為同樣嘅野小編之前都介紹過，呢日又想轉下口味就叫左薯粉。價錢包3餸😚，亦可以加錢㨂多D，但小編就要左紅燒牛肚、五香辣豬軟骨、香辣蕃茄牛肋條，配酸菜魚湯底😈。同樣係用石鍋上，嚟到熱辣辣已經聞到好香🤤，牛肚同牛肋條煮得好淋夠晒入味，唔韌亦無渣，豬軟骨調味都足但偏脆身可以煮淋淋D，湯底方面完全係酸菜魚味😋，酸同鹹味拿捏得剛好，除左無魚之外，個味道同專食酸菜魚嘅餐廳有得揮，值得推介👍🏻。
石鍋薯粉
$48
2 瀏覽
0 讚好
0 留言
2️⃣ 土魷馬蹄香菇肉餅荷葉飯 $48
一打開正方形嘅蒸籠就有一鼓飯香味湧出嚟🍚，超多煙熱辣辣香噴噴~肉餅嘅口感鬆軟，馬蹄爽脆，送飯加豉油一流💯。
土魷馬蹄香菇肉餅荷葉飯
$48
3 瀏覽
0 讚好
0 留言
3️⃣ 韭菜豬紅$18
豬紅好食不過韭菜有D太韌😖，呢個份量作為小食唔錯。
韭菜豬紅
$18
7 瀏覽
0 讚好
0 留言
4️⃣ 椒麻蝦膠腐皮脆卷$26
蝦膠彈牙，腐皮唔會太油膩，未至於好脆身但係都食到層次感👍🏻。醬汁應該係自家特製，食落酸酸辣辣幾特別🙊。
椒麻蝦膠腐皮脆卷
$26
14 瀏覽
0 讚好
0 留言
5️⃣ 椒麻炸鷄$18
鷄肉炸得滑嫩🐓，用左同蝦膠腐皮脆卷一樣嘅醬汁，否則兩樣小食本身都唔辣。
食物質素同價錢成正比，小編幾鐘意佢D小食細細份咁可以叫多幾樣😚，若計埋個環境坐得舒服仲要menu咁多野揀，無論係lunch定dinner都會有野啱食，CP值極高💗。
-
環境服務：⭐⭐⭐⭐
食物質數：⭐⭐⭐⭐
打卡指數：⭐⭐⭐
張貼
