影片
更多
2023-10-21
149 瀏覽
第三站 Station 3 Cafe📍旺角洗衣街39號金雞廣場25樓08-09室呢晚我又同朋友去咗睇玩具開倉，今次總算執到寶，買到兩件心頭好。睇完玩具又係時候食晚餐，行到麥花臣球場附近，醒起年幾兩年前食過一間樓上cafe，有唔錯嘅飲品同board game玩，而且過咗咁耐都仲喺OpenRice上人氣高企，所以就同朋友碰下運氣，睇下walk in有無位。好好彩，今晚即使好full，等咗一陣就有得食。總括而言，呢度嘅嘢食同氣氛都好合年輕人嘅口味，係聚首一堂嘅好地方。 💰$106卡邦尼煙肉雜菌意粉 🍝晚市有套餐8款選擇，我幾乎諗都唔洗諗就知自己想食carbonara，因為我係唔太鍾意食紅醬嘅，而且白醬一般都比較creamy濃味，更合我口味。呢碟carbonara賣相唔算特別，但佢嘅白醬好香濃幼滑，意粉唔會煮到淋晒，加埋洋蔥絲、煙肉同雜菌，一啖接一啖，不知不覺就食晒！ 💰$128黑松露帶子鮮菌燴意大利飯 🍛朋友同我煮係黑松露fans，而且大家都鍾意食帶子，所以佢揀咗呢個我哋都會鍾意嘅main。雖然睇落顏色唔算鮮艷，以為會好淡口，但估唔到佢黑松露味都幾香，個醬都好濃郁。Risotto煮得恰恰好，
📍旺角洗衣街39號金雞廣場25樓08-09室
呢晚我又同朋友去咗睇玩具開倉，今次總算執到寶，買到兩件心頭好。睇完玩具又係時候食晚餐，行到麥花臣球場附近，醒起年幾兩年前食過一間樓上cafe，有唔錯嘅飲品同board game玩，而且過咗咁耐都仲喺OpenRice上人氣高企，所以就同朋友碰下運氣，睇下walk in有無位。好好彩，今晚即使好full，等咗一陣就有得食。總括而言，呢度嘅嘢食同氣氛都好合年輕人嘅口味，係聚首一堂嘅好地方。
[價錢 Price]
💰$106
卡邦尼煙肉雜菌意粉 🍝
晚市有套餐8款選擇，我幾乎諗都唔洗諗就知自己想食carbonara，因為我係唔太鍾意食紅醬嘅，而且白醬一般都比較creamy濃味，更合我口味。呢碟carbonara賣相唔算特別，但佢嘅白醬好香濃幼滑，意粉唔會煮到淋晒，加埋洋蔥絲、煙肉同雜菌，一啖接一啖，不知不覺就食晒！
[價錢 Price]
💰$128
黑松露帶子鮮菌燴意大利飯 🍛
朋友同我煮係黑松露fans，而且大家都鍾意食帶子，所以佢揀咗呢個我哋都會鍾意嘅main。雖然睇落顏色唔算鮮艷，以為會好淡口，但估唔到佢黑松露味都幾香，個醬都好濃郁。Risotto煮得恰恰好，飯粒唔會過硬過淋。至於帶子就唔係大大一粒嘅，而係好多粒細細粒帶子，差唔多每啖都食到帶子。
[價錢 Price]
💰$56
士多啤梨奶昔 🍓🥛 (跟餐 +$18)
飲品方面，本身套餐係包一杯$38嘅飲品嘅，但非常愛飲奶嘅我加錢叫咗杯strawberry milkshake，佢嘅奶味都好出，士多啤梨味偏甜，加埋滿滿嘅cream，真係邪惡非常！
[價錢 Price]
💰$58
Oreo曲奇奶昔 🍪🥛 (跟餐 +$20)
至於朋友呢，都係飲milkshake，口味就揀咗Oreo曲奇。佢杯milkshake曲奇量好足，飲到一半見到啲曲奇碎多到似沙，雖然要補$20差價先飲到，但個人認為幾抵飲。
[價錢 Price]
💰$38 (套餐加配價)
田園沙律 🥗
套餐包咗沙律同蛋糕，沙律菜無我最討厭嘅火箭菜，而且淋上滿滿嘅胡麻醬，唔太鍾意食沙律嘅我都可以自己一個食晒一碗！
朱古力芝士蛋糕 🍫🍰
加配嘅蛋糕有三款口味選擇，我揀咗chocolate cheesecake，芝士味唔重，朱古力mousse同蛋糕相間，口感不俗。
紐約芝士蛋糕 🧀🍰
朋友就揀咗New York cheesecake，平時好少食甜品嘅佢表示味道幾好，蛋糕整體偏硬身，但芝士味好出，最後我又被我嘅細胃打敗，朋友一人獨自食咗件幾蛋糕，哈哈！
張貼
