御．八幡屋日本料理 (已結業)

今日同朋友去左八幡屋食放題慶祝佢下星期生日，之前試過八幡屋其他分店，今日試下新開張既放題店坐低就有燒爐，預備一陣間燒海鮮。刺身拼盤。帶子刺身厚切，中間半熟鮮嫩，三文魚魚味重入口新鮮。朋友鐘意食希靈魚和貝類刺身，大家都覺得味道鮮甜。再來壽司。飯粒結實唔會好鬆散，最鐘意食三文魚花之戀，三文魚厚厚一片口感極豐富燒香鰻魚壽司最岩我心水，鰻魚無骨燒得香口，左口魚入口即溶，味道清甜。朋友叫左一件吞拿魚蓉手卷。吞拿魚蓉新鮮無腥味，好鐘意加上蔥花賣相更靚。日式蒸蛋。蛋香重入口滑溜，唔會水汪汪味道清清甜甜。叫左海鮮燒一燒。放題店都有蟹甲羅燒我最鐘意食燒帶子，啖啖肉入口鮮甜無沙。最後食左枝牛奶樂