一鍋堂 (XX Arcade) (已結業)

今日午餐，想食打邊爐🍲，但呢期胃口一般，加上自己食就更加食得唔多，只係想過下口癮。老公幫我搵到一間$68火鍋午餐‼️ 任選一款湯底，自助區餐區食物任選。又幾好👍🏻 $68食到火鍋，仲有嘢飲任飲，自助區丸類/熟食/麵類/蔬菜等等可以任食❗️係平靚正午市火鍋之選。1. 蔬菜🥬好新鮮，種類又多，清洗好一份份放喺雪櫃，乾淨衛生。2. 熟食枱上面放咗即食麵，種類繁多，有火煱必食台灣王子麵，仲有幾款MAMA泰國即食麵，米粉，寬粉… 3. 揀咗蕃茄🍅薯仔牛肉粒湯底，好足料，估唔到咁多牛肉粒，幾大嚿。整體來講，見到唔少學生哥嚟食，打邊爐任飲任食自助區熟食，火鍋材料同主食麵條。唔錯唔錯👍🏻 $68抵！