Le Viet (已結業)

呢個星期日黎到旺角，一於試下呢間開業不久既Le Viet！上openrice見comment都唔錯 。今日黎食午餐 ，週末都有lunch set喎！比起正常餐牌平幾蚊，仲有野飲。我地叫左海南雞飯，生牛湯河，仲有係越南餐廳必叫既牛油雞翼（散叫的）！最先黎係跟海南雞飯既湯，味道夠哂濃，唔會淡如水喎，仲有大大舊冬瓜跟埋！海南雞飯黎喇！雞肉算喎，味道好食，雞油飯味道調得剛好又帶少少薑味，岩岩好！雞下面仲有好多椰菜，好食既海南雞飯！牛肉湯河都好好食，因為朋友太肚餓，來不及影相就食左喇😅所以只係影左跟湯河黎既香葉同芽菜😂用小小玻璃瓶盛住出黎太別緻喇😍！朋友話好好食嘅，湯底夠濃，牛肉夠鮮，可惜牛肉只得四片咁話。牛油雞翼製作需時，食完個河粉就到喇！好油炸呀！上面鋪住蒜蓉，食到少少牛油味既，算係唔錯嘅牛油雞翼！值得一試！總括來說，環境唔錯，食物唔差，可能係樓上鋪，就算星期日午餐時間都無咩人，易搵位👍🏻有下次既越南餐廳！