媽咪雞蛋仔 (已結業)

前晚響旺角夜繽紛，見肚餓就叫咗底雞蛋仔嚟食。今次冇食到原味，而係揀咗朱古力味。落咗單之後，冇辦法喇，始終都要排一下隊，始終等緊嘅人數都有十個八個。等咗一陣終於有得食喇，用咗個硬身嘅盒，而唔係普通紙袋，的確係唔錯。雞蛋仔配朱古力呢一個食法我都幾鍾意嘅，但係雞蛋仔始終最重要嘅都係夠唔夠脆身，而我買嘅呢一底呢，就做到喇。香味方面，成底雞蛋仔都充滿朱古力味，會令到我好想繼續食落去，最後我一個人就以好快嘅時間，完成咗呢一份雞蛋仔。