囍運冰室 (通菜街)

營業中

休息中

之前經過，外賣買過佢的自製包類都OK，所以今朝諗住過嚟食早餐。餐牌同附近所有的茶餐廳都係大致一樣的食品。太太叫咗個麥皮加墨西哥忌廉包餐。大致上都可以，佢冇投訴。唯一的是當杯嘢飲來到時隻碟都載滿鴛鴦。我都明白茶餐廳並唔係大酒店，但我光顧附近第二啲茶餐廳都好少會攞到嚟杯嘢飲倒瀉到成碟都係。仲要餐巾都唔俾一張嚟抹吓。我叫咗蕃茄餐肉牛腩粒通粉，通常所有啲蕃茄通都係甜甜地，呢間特別囉佢係鹹的（唔好食）。叫咗杯凍鴛鴦，唔知點解個顏色係淺色到奶白色，從圖畫可見我太太杯熱鴛鴦好正常咖啡色。味道怪怪的飲咗兩啖唔掂。相信我下次會選擇第二啲茶餐廳。