金翠餐廳 (已搬遷) 新店位置

之前朋友介紹帶路，有一間有「前金鳳班底」主理既扒房「金翠餐廳」，仲標榜好平好抵食，仲要係免收加一，咁就梗係去試下好唔好食啦。餐廳環境較暗，座位都少許舒適。一坐低，侍應就即刻問我地飲紅湯定白湯，而且服務都唔差。咁樣都幾好，當諗緊食咩嘅時候，已經送上有餐湯飲同餐包食啦。最後我哋叫咗個金翠鐵板餐「鴛鴦扒(豬扒及雞扒)$70」，配：餐湯、牛油餐包、餐飲。送餐嘅時間都好快，而且個模式都好似金鳳。鐵板餐送上時會問你要黑椒汁定蒜蓉汁。「白湯+餐包」白湯係忌廉湯，飲落去唔會覺得太浠，味道剛剛好不會太鹹，餐包亦都經過翻熱，食時加入牛油更正。「鴛鴦扒(豬扒及雞扒)」豬扒同雞扒都算大塊而且有厚度，有驚喜，味道唔錯剛剛好。「凍奶茶少甜」茶味濃郁唔錯。最後，整個餐食物都不過不失，以呢個價錢黎計，已經係好好啦。