常嚐食•深燒堂 (已結業)

等朋友開完OT放工，已經十點幾，朋友叫我去附近街搵吓邊間好食，又冇限時間嘅餐廳可以坐住等，於是周圍行吓睇吓，路過呢間位於旺角花園街（近廣華醫院）嘅燒物店「常嚐食。深燒堂」，俾佢門囗啲食物相介紹吸引住，見價錢亦合理適中，我自己又鍾意食串燒，侍應也表示可以食到零晨兩點，於是我就二話不說入咗去坐，邊食邊等朋友！非常吸睛的食物相！疫情之下，已經很少見到深夜十點幾，餐廳仍不斷有客人入嚟食宵夜，座無虛席！同佢餐廳名「深燒堂」非常貼題！舖面放滿新鮮嘅食材，d茄子好大條呀！值得推介「花甲粉」係呢度必叫嘅名物，「粉底」有粉絲、紅薯粉同稻庭烏冬選擇，每碗已有十幾隻花甲，自己再配搭喜歡的餸菜，我哋揀左金菇、海帶結同豬紅，然後剔選自己適合的辣度（共六級選擇）！（$75）食材方面，花甲非常厚肉鮮甜，豬紅好滑口，配埋少少辣度，十分惹味！日本明太子釀雞翼（$48，兩隻），燒得好到位，外脆內暖，入面嘅明太子醬亦很濃厚！燒越南海鮮釀蟹蓋（$38），蟹肉足料，配少少檸檬汁，更能帶出蟹肉嘅鮮味！酸酸甜甜燒菠蘿（$25），菠蘿現成直切直燒，甜度十足，多汁冇渣！