空海 (已結業)

我非常喜歡食蟹，知道近排香港都開咗幾間高級和式蟹之料理店，食過上環一間，當然我好鍾意，但價錢真係哪唎，終於俾我旺角搵到呢間，仲以為去了北海道，門面大大隻蟹。旺角少有蟹的專門店，這裏做法似家私房菜，推門見到只有一張八人枱。晚上有八款套餐，我選了松葉蟹盛，$298。前菜一開始的前菜很豐富有四款，鱈魚乾最好食，因為幾香兼且有咬口，其次是紫番薯，真的超甜，毛豆及或豆腐正正常常，蟹肉味增湯先備用。清酒煮蜆湯幾好味道，酒已經揮發，所以唔使擔心冇酒味的。燒松葉蟹鉗見到就開心，已經起了一半殼，食得可以很方便。帶子海膽丼最鍾意食海膽，配埋帶子正到暈。