Running 燒 (已結業)

一路都好鍾意食韓燒，不過多數係單點形式，放題因為以前有唔好嘅經歷，所以已經好耐冇去，今次朋友極力推介，所以嚟到Running燒😋價錢都好合理，二百零蚊食到110分鐘。先講肉類，我係好怕肥肉，所以封門柳就啱晒我，肉味較重又唔肥😋推介！另外驚喜嘅係海鮮拼盤👍🏻有蝦，蠔，扇貝，龍脷柳。擺盤都幾靚，望落新鮮乾淨，食落都唔錯😎依個價位食到呢個海鮮拼盤真係超值！最後甜品亦都唔Hea🤩有韓國嘅Melona，超多味揀。椰子，芒果等等。整體嚟講食物質素好，價錢亦都相宜。係一間都會再光顧的韓式放題。