影片
更多
2025-02-01
1806 瀏覽
之前喺台灣已經食過築間，見佢喺香港開咗分店所以就同朋友去試吓😆 後尾先知原來呢間係佢哋第一間海外分店！佢有4個任食套餐可以揀，而每個套餐都包湯底、主食同任食蔬食自助吧，值得一提嘅係佢仲包埋飲品同甜品🍧 最平嘅套餐都係$165，算幾抵食！今次我哋就揀咗$239嘅豪華套餐😋另外如果唔想食咁多肉嘅話，都可以揀平日午市主食+任食自助吧，最平都係$88！湯底我哋就揀咗蕃茄湯同佢哋推薦嘅鮮菇奶香湯，兩個湯底都唔錯，特別推介鍾意食啲菇嘅人試吓鮮菇奶香湯，菇味好香濃～我哋呢個餐就有板腱牛同霜降牛，兩款牛都唔錯！另外仲有松阪豬，都好有驚喜👍🏻呢個餐仲有海鮮，我哋就嗌咗魷魚同沙白😋 除咗肉類同海鮮之外，仲有飲品同甜品～ 我哋今次就試咗草莓奶酪同黑糖白玉奶酪，我和朋友都比較推薦黑糖白玉奶酪！呢間餐廳嘅環境都好闊落，坐得幾舒服～ 自助吧嗰啲都幾乾淨企理👍🏻 值得一提嘅係佢哋係QR code，而每次落單之後要隔7分鐘先可以再落單，所以記住要諗好晒先好㩒落單！ -味道: 7.5/10服務: 7/10環境: 7.5/10回頭率: 7/10總評: 7/10
佢有4個任食套餐可以揀，而每個套餐都包湯底、主食同任食蔬食自助吧，值得一提嘅係佢仲包埋飲品同甜品🍧 最平嘅套餐都係$165，算幾抵食！今次我哋就揀咗$239嘅豪華套餐😋
另外如果唔想食咁多肉嘅話，都可以揀平日午市主食+任食自助吧，最平都係$88！
湯底我哋就揀咗蕃茄湯同佢哋推薦嘅鮮菇奶香湯，兩個湯底都唔錯，特別推介鍾意食啲菇嘅人試吓鮮菇奶香湯，菇味好香濃～
我哋呢個餐就有板腱牛同霜降牛，兩款牛都唔錯！另外仲有松阪豬，都好有驚喜👍🏻
呢個餐仲有海鮮，我哋就嗌咗魷魚同沙白😋
除咗肉類同海鮮之外，仲有飲品同甜品～ 我哋今次就試咗草莓奶酪同黑糖白玉奶酪，我和朋友都比較推薦黑糖白玉奶酪！
呢間餐廳嘅環境都好闊落，坐得幾舒服～ 自助吧嗰啲都幾乾淨企理👍🏻 值得一提嘅係佢哋係QR code，而每次落單之後要隔7分鐘先可以再落單，所以記住要諗好晒先好㩒落單！
-
味道: 7.5/10
服務: 7/10
環境: 7.5/10
回頭率: 7/10
總評: 7/10
張貼
