天機棧扒房 (已結業)

今天經過花園街，見到有個大大招牌寫住鵝肝牛扒套餐188.00， 兩個頭盤，龍蝦餐湯、主菜及甜品，重有餐飲添，相當豐富，立即上去試下天機棧位於2 樓全層，座位比較多，適合一大班朋友聚會香煎法國鵝肝鵝肝入囗鬆化，又唔膩，連埋多士一齊進食，口感豐富生蠔海鮮拼盤拼盤有太平洋生蠔、鮮蝦及松葉蟹棒生蠔新鮮甜美，鮮蝦爽口彈牙巴黎汁田螺焗薯蓉田螺有兩隻，鮮味爽口，完全沒有雪味薯蓉表面食落香脆，配埋巴黎汁，好惹味酥皮龍蝦海鮮濃湯酥皮表面燶燶地，香脆，湯唔太杰，有鮮味美國春雞焗醸黑松露意大利飯上枱時，侍應會將酒淋上春雞上，然後點火春雞經酒燒過後，雞肉依然幼嫰，連雞胸部位都唔駭，咬落雞肉滲出淡淡酒香，十分惹味，食到停唔到黑松露意大利飯，飯比較腍身，黑松露味道唔太濃紅荳椰汁奶涷椰汁奶凍唔甜，椰子味道濃，感覺清新哂