大瀛喜日本料理 (已結業)

耐唔耐都想食一次放題，食物選擇又多，價錢又唔貴！今日嚟到旺角嘅大瀛喜，餐廳有多款食物可以選擇，除咗scan QR Code落單，出邊仲有唔少小食、甜品同飲品可享用。餐廳環境乾淨，店員服務態度好，見到有空碟就會即刻收，咁就唔會冇位放新食物！嚟放題一定要食刺身，今次試咗唔少款式，分別有北寄貝、三文魚、吞拿魚、甜蝦、油甘魚、希靈魚等等。挪威三文魚刺身三文魚非常新鮮，油脂好充足，切得好厚身。空運吞拿魚刺身吞拿魚肉質比較實，有咬口，唔會好肥。俄羅甜蝦刺身甜蝦充滿膠質，食落爽口彈牙。薄切鯛魚刺身鯛魚配上醋一齊食好開胃，令到魚嘅鮮味提升。鹽醬燒牛肉壽司燒牛肉好香口，有濃郁嘅醬油味。蒜香牛油熟帶子壽司呢款壽司好香蒜蓉味，帶子大大粒。鵝肝壽司鵝肝壽司超級推薦！鵝肝size啱啱好，食落好creamy，上面嘅醬汁甜甜地。壽司飯仲有芝麻包住，識落香口美味。鹽燒牛舌牛舌有咬口，表面有孜然粉，仲可以唧檸檬汁一齊食。燒有機新鮮菠蘿菠蘿超級多汁，燒完特別香。榴槤炸彈啲炸物食得出係新鮮即炸，每款都熱辣辣！榴槤炸彈好大粒，脹卜卜，入邊榴槤將流心，好濃郁，好好味。炸雞軟骨粒雞軟骨配埋沙律醬食非常好味，食落好惹味、好爽口～除