神戶屋日韓放題

營業中

休息中

旺角兆萬中心可以話係放題集中地，今次就去試下8樓嘅神戶屋。地方相當大，座位相當多，十幾人坐埋一齊應該都冇問題。呢間放題店都幾多野食選擇，尤其是刺身，有近十幾款，仲可以另外叫生蠔，非常新鮮，成盤上嘅視覺效果相當震撼。另外仲可以打邊爐，叫左湯底之後可以自己出去揀配料。熱食都相當多選擇，炸物都好出色，尤其是係炸雞有多款口味，比起出面韓式餐廳完全唔輸蝕。甜品都有好多雪條揀，十幾廿款韓國雪條，都幾正！另外佢仲有自家製甜品，味道都唔錯！