築地番本日式放題 (已結業)

呢晚放工後約左一大班朋友去食日式放題，平時所食既日本野都係元X或者爭X，因為人小小既關係，所以我都唔會太多出去食，因為可以揀既款式唔可以太多，驚住食唔哂，但人多就唔同可以叫多D。而家就介紹下我食左D咩啦！前菜(左至右，上至下)白酒煮番茄，味噌八爪魚，青瓜櫻花蝦漬物，傳統日本漬物白酒煮番茄係我既至愛，酒香同番茄配搭一流，大家都唔會覆蓋了應有既味道八爪魚爽口彈牙青瓜櫻花蝦漬物酸甜開胃傳統日本漬物有牛蒡和蒜頭，都係開胃既前菜之後到主菜兩輪既刺身拼盤，有蝦，三文魚，八爪魚，白玉吞拿，希靈魚等全部都係好新鮮既味道，個人喜愛三文魚既肥美，八爪魚既爽口，蝦身雖小，但淡淡肉！刺身拼盤都排列得好有美感和整齊牛油蒜香炒帶子，口感彈牙，雖然有牛油，但都唔會覺得膩反而還帶出帶子的香味！最後係一個甜點吧！炸朱古力香蕉之前都冇食過，蕉味反而過了牛古力味，不過上碟時還是暖熱的，口感還不錯吧！