影片
更多
2021-12-30
2911 瀏覽
💎總評分：8.0/10-怕凍🥶、怕熱🥵、怕唔衛生🦠、又怕坐得唔舒服🥲嘅人的確唔係好啱食大排檔，但係如果你又想過下癮，小編今次帶你嚟試呢間大排檔風格裝修嘅餐廳，但喺大廈入面乾淨企理，出面打風落雨都唔洗怕😎，男士們如果想同女朋友食下大排檔，揀呢度就最穩陣啦。餐廳長期有人排隊，建議大家做booking📝!1️⃣ 招牌杏汁燉豬肺湯 $148招牌唔係講笑，呢個湯好快賣晒，如果8點後入座嘅話可以booking時先預訂📌。一大煲分到8碗左右，店員會幫手將湯渣拎出嚟，份量都足足有一大碟🥣。湯煲得清甜滋潤，無味精(or小編飲唔出)，啖啖充滿杏汁味，開飯前飲一碗簡直perfect😍。2️⃣ 八味脆豆腐 / 胡麻鮮准山 / 地道咖哩水魷魚 $158豆腐外皮炒得香脆，入口嫩滑，放左一陣都無淋到，水準之作👍🏻。准山以麻醬調味有驚喜⭐，唔多地方有得食，清新又健康🥗，作為涼菜必叫。本以為魷魚係熱食🦑，原來都係涼菜，港式咖哩整得真係好地道，辣辣地🌶️，唔錯!3️⃣ 辣肉碎炒蟶子皇生菜包 $198朋友嚟過食幾次推介呢個，果然無介紹錯!有D似泰式生菜包🥬，多左D蟶子，新鮮爽口，炒得唔UN又入味，肉碎唔太辣，包生菜食啱啱好，值得一試😋!
-
怕凍🥶、怕熱🥵、怕唔衛生🦠、又怕坐得唔舒服🥲嘅人的確唔係好啱食大排檔，但係如果你又想過下癮，小編今次帶你嚟試呢間大排檔風格裝修嘅餐廳，但喺大廈入面乾淨企理，出面打風落雨都唔洗怕😎，男士們如果想同女朋友食下大排檔，揀呢度就最穩陣啦。餐廳長期有人排隊，建議大家做booking📝!
1️⃣ 招牌杏汁燉豬肺湯 $148
招牌唔係講笑，呢個湯好快賣晒，如果8點後入座嘅話可以booking時先預訂📌。一大煲分到8碗左右，店員會幫手將湯渣拎出嚟，份量都足足有一大碟🥣。湯煲得清甜滋潤，無味精(or小編飲唔出)，啖啖充滿杏汁味，開飯前飲一碗簡直perfect😍。
招牌杏汁燉豬肺湯
$148
60 瀏覽
0 讚好
0 留言
豆腐外皮炒得香脆，入口嫩滑，放左一陣都無淋到，水準之作👍🏻。准山以麻醬調味有驚喜⭐，唔多地方有得食，清新又健康🥗，作為涼菜必叫。本以為魷魚係熱食🦑，原來都係涼菜，港式咖哩整得真係好地道，辣辣地🌶️，唔錯!
3️⃣ 辣肉碎炒蟶子皇生菜包 $198朋友嚟過食幾次推介呢個，果然無介紹錯!有D似泰式生菜包🥬，多左D蟶子，新鮮爽口，炒得唔UN又入味，肉碎唔太辣，包生菜食啱啱好，值得一試😋!
辣肉碎炒蟶子皇生菜包
$198
67 瀏覽
0 讚好
0 留言
好彩小編預訂左，8點半己經售罄🙇🏻♀️。走地雞本身肉質比較實，不過雞肉依然嫩滑🐔，上面灑上瑤柱碎、炸蒜、紅椒同蔥絲，係幾香不過食唔出瑤柱味🙊，配薑蓉同酸辣汁，質素唔錯。小編本身以為會係熱食，點知原來係凍嘅，可能因為咁所以味道無咁突出。
瑤柱招牌走地雞半隻
$138
30 瀏覽
0 讚好
0 留言
好一陣子無食過乳鴿🐦，即叫即整嚟到時熱辣辣，外皮炸得香脆，成功鎖住肉汁，肉質嫩滑，水準之作👌🏻。不過一貫大排檔作風，係無手套俾客人嘅🚰，食起上嚟有D麻煩，暫且顧不住儀態💅🏻。
生炸脆皮頂鴿
$98
19 瀏覽
0 讚好
0 留言
煎炸野係大排檔不能缺少嘅野😈!牛腩肉質唔鞋，配辣醬食落好惹味～可惜嚟到時唔太熱，多左種油膩感🤭。
脆皮牛腩
$128
76 瀏覽
0 讚好
0 留言
6個人叫左兩個飯share🍚。豬油撈飯係廚師推介，店員會喺你面前撈好D豉油同臘味，馬上傳出陣陣香味🤤，一個砂煲可以分到6小碗，食到最後仲有飯焦😙。糯米飯嘅臘味都好香，不過兩個飯相較下豬油撈飯出色D🐽。
砂煲臘味豬油撈飯
$68
80 瀏覽
0 讚好
0 留言
生炒臘味糯米飯
$128
42 瀏覽
0 讚好
0 留言
題外話/補充資料：
🚗 附近有停車場，咪錶就比較少，不過大把人泊街，彩數呢D野睇你搏唔搏啦！
(以上食評乃用戶個人意見 , 並不代表OpenRice之觀點。)
張貼
