皇冠冰室 (已結業)

朝早8:30到左旺角，諗住去食開間茶記食個早餐，點知原來未開門。行前幾條街見到皇冠冰室，門面好光猛，望落幾乾淨，仲有新鮮麵包，一於入去食個靚早餐。室內真系幾乾淨喎，讚呀！而且都8成滿，估唔到咁好生意。我想落單既時候，侍應係佢個位大聲問我食咩，我唔慣要叫出來落 order，所以唯有等佢行過來至講。我見到佢地對其他客人都係咁，有D人都系好遠咁叫出來。我點左菠蘿油加熱奶茶，成惠$27，價格合理。熱奶茶幾滑，可惜唔夠熱，扣左分。一個靚早餐，係一日開始忙碌工作的強心針，pumped up！下次係旺角食早餐，會諗起佢。