小茶堂 (已結業)

近排呢間鋪頭經常喺IG老是常出現。不過估唔到實物攞上手又真係幾靚喎！雖然見到好多人介紹，但小編嗰日去到係完全唔使排隊。佢地呢度嘅飲品全部都可以揀甜度，不過就係改變黑糖珍珠嘅甜度，所以大家可以自行斟酌想飲幾甜😂不過個人覺得佢哋珍珠質素浮動嗰個range都幾大下。另外不得不提佢哋珍珠嘅份量真係俾得超級多，飲晒之後都仲有珍珠剩低。🍴黑糖珍珠小山園抹茶拿鐵［微甜］雖然呢一杯嘅價錢就同其他茶飲店嘅價錢差唔多，不過質素來講確實有驚喜。雖然攞上手唔多見到拿鐵特有嘅漸層效果，但飲品入口嘅抹茶味香，而且冇粉粒👍而且仲可以飲到有好香好濃嘅明治鮮奶味添！不過由於黑糖珍珠嘅甜度中和左抹茶嘅苦澀味，所以飲品入口只會飲到好香嘅黑糖味同抹茶味，唔會飲到有苦澀或者回甘。黑糖珍珠有好重嘅黑糖味，而且口感煙韌但偏向比較軟糯。🍴黑糖珍珠奶茶飲品勝在價錢夠親民，但味道就非常一般。首先個奶茶底方面，入口比較重奶味，但茶味偏淡。另外由於叫咗正常甜到嘅黑糖珍珠，所以飲品入口整體非常甜，而且珍珠入口亦都只係食到有甜味，黑糖味會比較淡。所以建議大家可以考慮由半糖起跳咁揀落去。飲品價錢合理，但未至於話會encore，不過可能下次會再試吓