影片
更多
2022-09-07
1267 瀏覽
太耐無去韓國旅行，所以久唔久都會食吓啲韓國嘢滿足吓我個胃🙊 好彩喺香港周圍都有得食韓國嘢，韓國炸雞、泡菜煎餅呢啲隨處可見，隨時可以食到～ 不過韓國街頭小食反而選擇唔多，要食芝士熱狗棒嘅話就可以去呢間「阿里郎熱狗棒」，佢係韓國大熱過江龍嚟㗎🐉除咗有熱狗棒，仲有doughnuts、年糕香腸串、紫菜包飯同飲品🥤呢度雖則係外賣店，但佢都有啲企位可以堂食㗎💁🏻♀️❤️ S1 (熱狗2個 + 芝士球4粒 + 年糕香腸串 1串) $120☞︎ 熱狗棒叫咗「薯條鴛鴦芝腸」&「芝薯拉絲熱狗棒」，從外型上嚟睇，兩款好似倒模咁，一模一樣😹 不過個餡係有分別嘅～ 薯條鴛鴦芝腸係多咗條腸仔😜 熱狗棒炸到外表金黃，外層仲有脆薯粒、白米麵粉漿及米糠包裏住， 再撒上椰糖及淋上醬汁🥫(醬汁都有成9款咁多🤭) 食落外酥內軟，中間有Mozzarella cheese食到拉哂絲，即叫即炸果然正好多😛☞ 芝士球口感軟糯，有啲似食炸芋圓波波咁，本來以為入面淨係有芝士，原來都有落香草🌿 味道無咁單調～☞ 年糕香腸串炸年糕食起上嚟煙韌，年糕同香腸梅花間竹咁排列，配上醬汁相當濃味😋❤️ A1 乜都有套餐 (熱狗1個 + 冬甩1個 + 飲品1
除咗有熱狗棒，仲有doughnuts、年糕香腸串、紫菜包飯同飲品🥤呢度雖則係外賣店，但佢都有啲企位可以堂食㗎💁🏻♀️
❤️ S1 (熱狗2個 + 芝士球4粒 + 年糕香腸串 1串) $120
☞︎ 熱狗棒叫咗「薯條鴛鴦芝腸」&「芝薯拉絲熱狗棒」，從外型上嚟睇，兩款好似倒模咁，一模一樣😹 不過個餡係有分別嘅～ 薯條鴛鴦芝腸係多咗條腸仔😜
熱狗棒炸到外表金黃，外層仲有脆薯粒、白米麵粉漿及米糠包裏住， 再撒上椰糖及淋上醬汁🥫(醬汁都有成9款咁多🤭)
食落外酥內軟，中間有Mozzarella cheese食到拉哂絲，即叫即炸果然正好多😛
☞ 芝士球口感軟糯，有啲似食炸芋圓波波咁，本來以為入面淨係有芝士，原來都有落香草🌿 味道無咁單調～
☞ 年糕香腸串
炸年糕食起上嚟煙韌，年糕同香腸梅花間竹咁排列，配上醬汁相當濃味😋
❤️ A1 乜都有套餐 (熱狗1個 + 冬甩1個 + 飲品1杯) $78
☞ 奧利奧熱狗棒賣相黑黝黝咁好特別😹 面頭有大量Oreo cereal，增加脆口口感💥 佢嘅粉漿都係滿滿Oreo味道，配搭拉絲Mozzarella cheese，鹹甜得嚟幾新奇🙊
☞ 伯爵茶味冬甩一咬落去爆哂餡，好多cream😆 啲cream唔算太甜，伯爵茶味適中，食到最後都唔會太甜膩🫖
☞ 柑橘碳酸水成個橙🍊放上飲品度，好啱打卡🤣 飲到新鮮果肉，味道酸爽，加埋微氣泡，清爽解膩，好解渴💦
餐廳推薦度：⭐️⭐️⭐️⭐️ (4/5)
呢餐真係好邪惡，建議叫套餐會抵食啲😎 無得去旅行，就食住呢啲止吓癮先啦🤣
張貼
