Kinson Burger & Bar (已結業)

間唔中都會係旺角行去奧海城行下食下野, 貪個度無咁迫人又多野食, 有一晚經過奧海城外有一排outdoor餐廳, 其中一間坐滿哂人飲啤酒食burger, 環境氣氛都好好, 決定搵一次要試試佢!今日約左朋友出旺角, 晏晝4點幾諗住坐低食少少野, 就趁今次機會拉埋朋友過黎食! 黎到見到晏晝同夜晚氣氛完全唔同, 仲以為佢有落場時間添, 好彩佢都有做午市既~ 不過都有名叫做kinson burger and bar, 佢主力都係做晚市時段比客人飲下酒傾下計加埋夜晚個燈光, 感覺真係好chill架, 下次一於試下夜晚黎! 餐廳入面有2張枱, 其餘主要都係outdoor坐位。有電視比客睇Menu當然有送酒必備既Snacks, 另外有burger同意粉等等。蘑菇車打芝士漢堡, 漢堡size都幾大, 漢堡包皮烘過, 所以個邊位係脆既, 做到外脆內軟, 哩個要讚呀! 而漢堡肉略為乾左d, 唔夠juicy失色左, 蘑菇芝士就一定match架啦另外要讚既係佢既薯條, 係新鮮即炸粗薯條, 面頭有粗鹽調味, 由於新鮮炸外皮脆卜卜, 配搭埋粗身薯條可以食到入面薯仔蓉, 真係正! 不過如果可以多幾條就好啦, 食落唔係