一休鐵板燒 (已結業)

喺旺角行街市，發現一間鐵板燒外賣店。好想試好耐趁住今日做完Facial冇人陪自己食飯就去嗰度買一個外賣套餐返屋企試吓啦。鐵板餐炒麵套餐$38主食可以2選1: 烏冬/拉麵餸菜可3選1: 雞絲/牛柳/豬肉汁可3選1: 照燒汁/黑椒汁/一休醬油我就揀咗鐵板炒牛柳拉麵配👑嘅一休醬油。拉麵非常辦呀用一休醬油炒落嘅拉麵唔會太鹹亦都唔會太甜。 牛柳絲非常有彈性，唔會煮到太老，牛肉非常新鮮。 仲有配埋椰菜蘿蔔絲連埋拉麵牛柳絲一齊食非常健康同有口感。另外再加加咗$28試咗個好少見到嘅海膽流心忌廉餅。外皮炸到金黃色，粉漿非常鬆脆唔會過口。 咬落口，外皮發出索索聲，非常香。 入面嘅海膽已經溶咗喺忌廉裏面，每咬一啖滿口都充滿着海膽嘅味道。 顏色亦都非常自然，冇加人造色素。$28食到海膽嘅菜式，CP值好高👍🏻 下次再做facial後，都會再幫襯。