YOLO Cafe & Bar (已結業)

喺旺角區嘅地舖Cafe比較少有，今日就相約朋友嚟到位於東鐵線下染布房街嘅呢間YOLO Cafe & Bar。餐廳裝修非常簡約，以灰配白為主調，感覺舒服。午市套餐加$10可以享有精選沙律，帶酸嘅黑醋汁令人開胃。加$10亦可揀選是日餐湯，忌廉蘑菇湯真材實料，仍保留蘑菇蓉嘅咬口。香辣蕃茄大蝦意粉有好香嘅辣味，扁意粉夠彈牙，配以六隻大蝦，絕對值回票價。慢煮溫泉蛋卡邦尼意粉有濃濃嘅忌廉汁味，再簡單配以煙肉，最後混入溫泉蛋內嘅蛋黃醬，夠晒飽滿。YOLO招牌雞翼可以選擇醬汁，我哋揀咗法式蜜糖芥末汁，雞翼本身炸得香脆，再加入蜜糖芥末汁就更滋味。柚子蜜糖飲係韓國柚子蜜，簡單而解渴。另外嘅青檸梳打味道清新，最適合夏天飲用。