至尊滿屋日本料理 (已結業)

好耐無食放題喇😋😋因爲朋友去過依間餐廳話好食,所以我地睇完戲就去左食😝晚上9點鐘去到,有卡位坐,地方寬敞,坐得好舒服😛食物種類非常之多,平時食開既放題只係得一本menu可以揀,呢一間有兩本,揀到勁開心🥰首先食放題當然唔小得刺身啦！大部份刺身新鮮,多種類,有三文魚,吞拿魚,油金魚,甜蝦,帶子,飽片等等,所有刺身都厚切,質素中上😋壽司就唔係叫咗太多🙈驚食到太飽,但係質素有驚喜😋每件size岩岩好,鰻魚壽司好有驚喜完全唔腥,加埋個醬忍唔住再encore!另外手卷細細件,一口食得哂,食得出即叫即做,紫菜仲係脆既！去到小食方面,好多都好好味！最鐘意就係玉子燒同埋牛舌！第一次係放題見到有玉子燒叫,蛋唔會煎到好熟,送到過黎仲係熱,加埋蔥同埋燒汁,成件事好夾🥰encore左三次,另外牛舌對比其他同價位既放題質素真係唔同,呢間燒好上枱係熱辣辣,勁juicy同埋好厚身,又係其中一樣可以無限encore既小食😝另外仲叫咗個蟹粥,勁足料,真係有幾隻蟹腳係入邊,粥底鮮甜,如果食得太膩,可以叫黎清一清味蕾🙊最後當然唔小得甜品😝除咗可以出去任攞之外,仲有得揀一人一杯雪糕添,有得揀Haagendasz,Mov