德家日式燒肉店 (已結業)

旺角創興廣場成幢餐廳大家都知，今次同fd去左四樓既德家日式燒肉店食燒肉，上到去先知原來有得打邊爐，但因為想食燒肉多啲最後都係揀左燒肉平日六點零鐘去好快就入到座，可以食兩個鐘，我地就揀左套餐c ,除左任食燒肉外仲會多左個安格斯拼盤，刺身盛同海鮮盛，不得不提刺身有返咁上下質素，一啲怪味都冇，食落好新鮮呢到會比一個qr code你點單，scan 一scan就可以即時落order,幾環保，又唔洗等有店員行過先落到單雖然呢到食物既款式比一般燒肉放題少，但肉既質素就有返咁上下，事但一款牛都好有牛味，味道搭夠安格斯拼盤上啲牛睇落好新鮮，雪花分布都好靚，食落牛味十足就算係任食既牛都好推介，尤其係極上牛肋肉同黑蒜油牛脊肉，入口嫩滑多汁豬肉方面推薦豚頸肉，食落有油脂感又非常彈牙海鮮就要食車海老啦，每隻都大隻多肉又充滿鮮味野菜篇就鐘意迷你甜薯，呢到有啲特別既係甜薯兜入面仲有牛油比你一齊燒，燒完之後甜薯就會充滿牛油香，估唔到外咸內甜呢個食法都唔錯主食方面叫左個胡麻醬撈拉麵，胡麻醬配蟹柳沙律加冷麵真係好夾，仲可以一解燒肉既膩飲品方面除左平時一般會見到既汽水等罐裝飲品，仲有杯裝冷泡茶，岩哂無糖人士甜品亦有少量選擇