三清洞摩西 (已結業)

聽朋友講呢間韓國餐廳係韓國好受歡迎,今次係香港開分店,所以就試下。因為一早估到多人,所以分開同朋友去先,一出就有韓國姐姐用英文問幾多位,是次4人行,不過未到齊,而且要齊人先可入座。等位期間發現員工頗多,老闆更係韓國人,仲好 gentlemen幫我地拉櫈擺袋。叫餐分唔同step,好彩侍應suggest我地點叫。今次同行朋友揀左部隊,烤肉,雜菜,海鮮。加拉麵,紫菜卷,火腿,餃子,仲有芝士炒飯。一鍋黎既時候見到好多芝士同年糕,仲有泡菜,不過紫菜卷好快就“淋”曬。芝士撈埋拉麵幾濃味,有雜菜中和下唔會覺得膩。炒飯差唔多係最後先上,芝士味濃,加上有粟米,紫菜,與一般炒飯絕對唔同,值得一試。