影片
更多
2017-09-07
115 瀏覽
今日約咗ling ling去食飯，決定食鐵板燒，因為我好耐無食過，而且同小ling ling食飯最好，就係佢除咗唔食魚之外，咩都食，亦都食得好開懷~~~今次我地就揀咗個二人大蝦餐前菜係好好味嘅豆腐沙律亦有我最鍾意嘅味噌湯，呢個湯非常香濃以兩個人嚟講啱啱好，有蝦、扇貝、大蝦、魷魚、烏冬、菜開始整喇，食鐵板燒最開心就係睇住佢整，絕對唔會悶燒扇貝 - 好看酒味，最緊要係燒到啱啱好，所以絕對唔會韌，又鮮美，最緊要係佢幫你切好一粒粒食，一啖一粒，唔駛一啖食晒，好似好空虛咁~燒冬菇、翠肉瓜 - 呢兩樣都有用醬油去燒，翠肉瓜要整得好其實都唔易，因為佢好易淋，太淋其實會無乜咬口，變咗唔好食，呢個就真係燒好好，好爽脆，冬菇都幾大個，亦都好好味魷魚筒 - 呢個魷魚筒真係一絕，一啲都唔韌，平時出去食燒魷魚，好多都非常韌，咬到牙都甩，呢個好淋，其實我都唔知應該係話佢新鮮所以唔韌定係因為佢真係燒得好好，其實我咁多樣，真係最欣賞呢個燒大蝦 - 到今晚主角，大蝦，呢個蝦非常大隻，好香蝦味，亦都好多蝦膏，我最鍾意食個蝦頭，因為非常多膏，而且隻蝦非常爽口，蝦爽口亦代表隻蝦好新鮮，最正係佢燒好就切粒，可以俾你一路傾計一路
今次我地就揀咗個二人大蝦餐
前菜係好好味嘅豆腐沙律
亦有我最鍾意嘅味噌湯，呢個湯非常香濃
以兩個人嚟講啱啱好，有蝦、扇貝、大蝦、魷魚、烏冬、菜
開始整喇，食鐵板燒最開心就係睇住佢整，絕對唔會悶
燒扇貝 - 好看酒味，最緊要係燒到啱啱好，所以絕對唔會韌，又鮮美，最緊要係佢幫你切好一粒粒食，一啖一粒，唔駛一啖食晒，好似好空虛咁~
燒冬菇、翠肉瓜 - 呢兩樣都有用醬油去燒，翠肉瓜要整得好其實都唔易，因為佢好易淋，太淋其實會無乜咬口，變咗唔好食，呢個就真係燒好好，好爽脆，冬菇都幾大個，亦都好好味
魷魚筒 - 呢個魷魚筒真係一絕，一啲都唔韌，平時出去食燒魷魚，好多都非常韌，咬到牙都甩，呢個好淋，其實我都唔知應該係話佢新鮮所以唔韌定係因為佢真係燒得好好，其實我咁多樣，真係最欣賞呢個
燒大蝦 - 到今晚主角，大蝦，呢個蝦非常大隻，好香蝦味，亦都好多蝦膏，我最鍾意食個蝦頭，因為非常多膏，而且隻蝦非常爽口，蝦爽口亦代表隻蝦好新鮮，最正係佢燒好就切粒，可以俾你一路傾計一路一粒一粒食
炒雜菜 - 份量啱啱好，因為去到呢個位其實都已經有啲飽，唔好以為食海鮮會唔飽，其實以兩個女仔嚟講，絕對夠食
紅豆雪糕 - 食完正餐，晚餐重會有甜品送，本來重有布甸，可惜……我唔食牛奶布甸的，雪糕店家話紅豆好味，我當然要試吓喇，個雪糕入面有紅豆粒，亦都好香紅豆味，但係唔會太甜，因為“牛X公司”紅豆雪糕係無紅豆味之餘重好鬼甜，呢個真係好啱我口味，店家重問我要唔要多個，我都唔係幾好意思，就話唔駛，少吃多滋味嘛~~當我地食完之際，有客人點和牛餐，師傅表演一吓，好好火喉，因為佢直頭係……放火咁
張貼
