僕之拉麵 (已結業)

望落個門面唔錯就一心諗住試吓。當時夜晚8點幾，我同個friend想試嘅款式同味道都已經無晒，所以就唯有叫咗個豚骨清湯（鹽味）嘅叉燒拉麵。職員帶我哋去嘅位，連張枱都未抹，仲係好油，想斟杯水飲吓嗰個壺又係吉嘅，隔離枱個壺都係無水，都唔緊要，諗住因為忙所以一時唔記得啫。碗拉麵嘅嚟到，個賣相普通啦，點知食嗰吓真係「虎」出嚟，豚骨湯？史雲生清雞湯嚟㗎喎，個湯底完全唔得囉......啲麵食落嘅味簡直係我去街市2、3蚊買個返嚟嘅麵底。嗱好老實講，出街食嘢係貴架啦個個都明，但都唔係俾啲咁嘅質素人食掛？連味千都好味過呢間嘢咁大家諗吓係咪值得去幫襯。要喺香港食好嘅拉麵有好多選擇，但呢間就一定唔會係！