881包子

營業中

休息中

今日旺角見到有間裝修好搶眼的店鋪，原來係主打賣醬肉包，仲有其他包款可供選擇。店鋪旁邊仲有個玻璃位，睇到包點係現場即包即蒸。—----------------------------🥯醬肉大包 （招牌）果然係招牌，超多醬汁，餡料用嘅豬肉夠晒新鮮，仲有冬菇製作而成，即包即蒸新鮮出爐，包質感鬆軟，肉餡味都好濃。🥬雞蛋菜包 呢個包啱晒素食者，入面材料包括有：雞蛋🍳、粉絲、椰菜🥬、木耳、紅蘿蔔🥕等等，味道清爽，健康之選。🫘紅豆沙包平時食開嘅紅豆沙包都好甜，而呢個包嘅甜度啱啱好。🥟鮮肉小包 1籠（6個）呢個包望落去開頭以為係小籠包，入面嘅餡料真係滿滿嘅鮮肉，仲食到馬蹄粒，鮮肉同馬蹄粒又幾夾，呢個配搭都幾新鮮，細細個方便入口，兩啖就食完一個，忍唔住又食多一個。—----------------------------📝整體而言：店舖承諾不賣隔夜包，食完啲包發覺真係幾新鮮，而且見到師傅係即包即蒸，最鍾意就係醬肉包💜。另外，外賣個包裝都幾精美。