古早台居

營業中

休息中

平時係旺角有食開嘅台式肉燥飯餐廳，今日同朋友講起，佢話旺角T.O.P.呢度都有間食台式肉燥飯嘅，都唔錯，可以試試，所以今日就過嚟試新嘢。嚟到先知，原來係Food court嚟嫁，佢成個設計好有青年氣息，感覺唔錯。睇完餐牌叫咗自己最想食台灣士林香腸肉燥飯，食肉燥飯最怕嘅係肉燥太少，但佢呢度俾嘅份量好足，夠配食晒成個飯，而台灣香腸嘅量都唔少，加埋半隻滷蛋，好滿足。食完飯再配埋杯大甲芋泥鮮奶，芋泥同鮮奶嘅比例啱啱好，每啖都有飲到香軟嘅芋泥，唔錯唔錯。