古早味休閒台灣 (已結業)

落旺角等埋老公收到都成8點，我已經餓到一個點竟然俾我發現間又平又好食嘅台灣嘢。裝修都唔錯有台灣小店感覺，menu上有好多唔同嘅台灣小食，但我哋兩個實在太肚餓所以叫主食先，來一碗牛肉牛筋麵、一個台灣刈包、古早味油飯再加一個五味雞，再加多杯奶蓋咖啡。牛肉牛筋麵一到先飲啖湯試一試，一飲落去好香牛肉味牛筋好膠質但又唔會太淋牛肉都唔錯，麵質屬粗身麵夠滑又好味，之後又送來一碗古早味油飯，依個飯食起上嚟有D似糯米飯煙煙靭靭又幾得意，另個五味雞其實係屬冷盤有五個醬汁俾我揀，樣樣都試點吓又幾好玩，而個台灣刈包個舊厚切五花腩邪惡到爆但又好好味，我叫老公將最肥嘅食灑落我再食無咁肥嘅位，有老公錫實在太幸福而杯奶蓋咖啡又做得幾好，面嘅奶蓋好滑少少咸再將咖啡溝埋一齊嚟飲又滑又香。